ஸ்ரீ ஸ்வய ஞானானுபவம் - தெளிநிலை | பாடல் - 108

weblink

                                 
பாடல் - 108

மாதவனே! இந்நூலை
கேட்கத்தக்க;
மாசற்ற மாணாக்கன்
அரியவன்தான்!
சாதகமாய் இந்நூலை
உபதேசிக்கும்;
ஸத்குருவும் சாலவுமே
அறியவன்தான்!
பேதமுறா இந்நூலின்
புத்தகத்தை;
பெற்றவரும் மெத்தவுமே
அரியவராவர்!
ஓதிய இவ்வேதுவினால்
இந்நூல் எங்கும்;
உரமாக பிரசித்தி
மேவவில்லை!

கருத்து:

அது (ப்ரம்மம்) குற்றம் குறை இல்லாதது!
குறைவு நிறைவு இல்லாதது! விருப்பு வெறுப்பு இல்லாதது! போக்கு வரவு இல்லாதது!
இன்ப துன்பம் இல்லாதது! புண்ணிய பாபம் இல்லாதது! கொடுக்கல் வாங்கல் இல்லாதது! லாப நஷ்டம் இல்லாதது!
ஜனன மரணம் இல்லாதது! தோற்றம், இருப்பு, மாற்றம்,
மறைவு இல்லாதது!
தேடுதல், கிடைப்பது இல்லாதது! பார்ப்பதும் பார்க்கும்
பொருளுமாக இல்லாதது!
கேட்பதும் கேட்பவனும் இல்லாதது!
நாமரூபம் குணம் குறி இல்லாதது! தெய்வீக நிலையில், சூட்சும நாமரூப கர்த்தாக்களும் இல்லாதது! அவர்களை அடையும், ஸத்திய தர்மமும் இல்லாதது!
சொர்க்கமோ, மோட்சமோ, நரகமோ பத முக்திகளோ, பர முக்தியோ, ஜீவன் முக்தியோ இல்லாதது!

அது, இது, உண்டு, இல்லை, அவன், அவள் என சுட்டிக்காட்டப்பட்ட எந்த வஸ்துவும் இல்லாத ஒன்றை,
அதற்கு அப்பால் எவராயினும், எதுவாயினும் இருந்தாலல்லவோ அதை உணர முடியும், உணர்த்த முடியும்?

அது அதுவாகவே இருக்கிறது!
அதுவே நாமாகவும் இருக்கிறோம்!
இன்றைய கலியுக மாந்தர்கள் துவைதமாகவே பழகி விட்ட தன்மையாலும், பலன் கருதி
வியாபாரமாகவும், விளம்பரமாகவும், செய்யும் மனதுடையவர்களாக இருப்பதாலும்,

குருமாரும், பேர், புகழ், பட்டம், பதவி, பொன் பொருள் மோகம், பெண்ணின்ப போஹம், இவைகளையே தம் பிறவியின்
லட்சியமாக கொண்டு இருப்பதால், கேட்கும் மாணவனும் இல்லை. அதை உள்ளபடி உணர்வு பூர்வமாக உணர்ந்து உணர்த்தும், எந்த ஸத்குருவும் இல்லை.
ஆனாலும், ஒன்றிரண்டு விரல் விட்டு எண்ணக்கூடியவர்களும் இருக்கத்தான் செய்கிறார்கள்.

அவர்களுக்காகவே இவ்வுலகம், நிலை பெற்றிருக்கிறது. அவர்கள் இல்லையானால், இவ்வுலகம்
இருக்க முடியாது. இருக்கக் கூடாது.

ஆனாலும், ஸ்ரீமத் ரிபு கீதை என்னும்
இந்த ஸ்வய ஞானானுபவ நூல்
எம் பக்குவ ஆன்மாவின் கைகளில் இருக்கிறதோ, அவர்கள் ஒரு காலும், குரு ஆக முடியாது!

அவர்கள் ஜீவன் முக்தரே! என்பது மட்டும் ஸத்தியமே. ஸத்தியமே!
ஸத்தியமே! இது எம் ஸத்குரு
வாக்காகும்.

பக்குவ ஆன்மா என்பவர்கள் இந்த நூலை இடைவிடாது நித்திய பாராயணம் செய்து, அதன் கருப்பொருளை சுவைத்து, அது நாம்! என ஆனவர்கள் என அறிக!

இத்துடன் 108 பாடல்களையும்
அதுவாகிய அவன் கருணையால் பூரணமாக்குகிறோம்!


                             எல்லாம் நீ!


குறிப்பு: ஸ்ரீ ஸ்வய ஞானானுபவம் - தெளிநிலை | பாடல் - 108

Popular posts from this blog

ஸ்ரீ ஸ்வய ஞானானுபவம் - நிதாகன் அனுபவம் | பாடல் - 129

Image
weblink பாடல்: 129 இன்றடியேன் உம்மை நோக்கி வணங்குவோமேல்; இரண்டுபடும் ஆதலினால் அதுவும் கூடா(து)! அன்றி எமை நோக்கி யாம் வணங்குவோமேல்; அணுகுபலன் இலாமையினால் அதுவும் கூடா(து)! என்றும் ஓர் வடிவான உம்மை நோக்கி; இருமையுற யாம் இன்று வணங்குவோமேல்; நின்ற எம்மை அஞ்ஞானியென நீ சொல்வாய்! நிர்மலமாம் தன்னிலையில் இருமை உண்டோ? கருத்து: ஓ எம் ஐயாவே! பரிபூரண மெய்யனே! ஆனந்த தூயனே! உம்மை எப்படி யாம் வணங்க முடியும்? எனத் தெரியவில்லையே? இப்போது யாம் உம்மை வணங்கினால், அங்கு இரண்டுபடும். ஆகவே இயலவில்லை! நீயே யாம்! யாமே நீ! என ஐக்கியமான பின்பு, யாரை யார் வனங்குவது? யார் அவ்வணக்கத்தை ஏற்பது? வணக்கம், வந்தனம், உபசாரம், உபகாரம், இவை அனைத்தும் இரண்டு என்ற துவைத நிலையில்தான், ஒருவர் செய்ய ஒருவர் ஏற்க, வாய்ப்பு உண்டு. இங்கு இருவரைக் காணோமே! ஒருவர் என்ற  இருப்பும் மறைந்து வருகிறதே பிரபோ? உலக நிலையோ, தெய்வ நிலையோ, பலன் இல்லாமல், மேலே கூறிய நிலையில், எவரும் செய்ய மாட்டார்கள்.  இங்கோ பலமும் (சக்தியும்) இல்லை! பலனும் (ஒர் பொருளும் - வியாபாரமும்) இல்லை! இது என்ன ஆச்சர்யம்? யாம் தான், எப்படியும், நீர் ஸ்...
Read more

ஸ்ரீ ஸ்வய ஞானானுபவம் - தெளிநிலை | பாடல் - 87

Image
weblink பாடல்: 87 நிரந்தரமாம் அறிவான எம்மிடத்தில்; நிகிலமுமே கற்பிதமாய் தோற்றலாலே; பொருந்திய அக்கற்பிதமாம் தோற்றமெல்லாம்; பூரணமாம் அறிவான அகமே என்றும்; விரிந்த அறிவான அகம் பிரம்மமென்றும்; வேறற்ற அபேத பர ஞானத்தாலே; அருந்தவனே! பேதமதி அனைத்தும் தள்ளி; அசஞ்சலமாய் ஆன்மாவில் அமர்ந்து நிற்பாய்! கருத்து: அறிவே ஆன்மா! ஆன்மாவே அறிவு! அந்த அறிவு சொரூபமான எம்மிடமே இந்த நாமரூப ஜக ஜீவகோடிகள் தோன்றினர். ஊசி நாட்ட இடமில்லாமல் யாமே நிறைந்திருக்கிறோம்! எமக்கு அன்னியமாய், எவைகளும் இல்லவே இல்லை, என்ற அபேத பரபாவனையால், பேதமாக தோன்றும் அனைத்தையும் இல்லை! இல்லை! இல்லை! எனத்தள்ளி யாம் ஒன்றே! என்ற அகண்டான்ம பாவனையால், அசையாமல் இருப்பாயாக!                                                      எல்லாம் நீ! குறிப்பு: ஸ்ரீ ஸ்வய ஞானானுபவம் - தெளிநிலை | பாடல் - 87
Read more

ஸ்ரீ ஸ்வய ஞானானுபவம் - நிதாகன் அனுபவம் | பாடல் - 113

Image
weblink பாடல்: 113 குருவர நின் கருணையினால் கண நேரத்தில்; குறைவு தரும் பேதமதி அனைத்தும் நீங்கி; சர்வமுமே பிரம்மமென்னும் நிச்சயத்தை; சாலவுமே திடமாக சார்ந்தோமந்தோ! பரவிய இவ்வுரமான நிச்சயத்தால்; பரமான எம்மிடையாம் சாந்தமாகி; விரவுபவ துக்கங்கள் அனைத்தும் நீக்கி; விமலபரம ஆனந்தம் அடைந்தோமந்தோ!! கருத்து: எம் ஆத்ம நாதா!  ஸ்ரீஸத்குருதேவா! உன்னுடைய அபாரமான கருணையால் ஒரு வினாடியில், தேகாத்ம புத்தி நீங்கி பிரம்மான்ம அறிவு பிரகாசித்தது. அந்த பிரம்மான்ம அனுபவத்தினால், எம் அறியாமையினால், எம் மனோசபலத்தால், எம்மைத் தொடர்ந்த, நான் ஓர் பந்த ஜீவன் என்ற தளை (விலங்கு) உடைத்து எறியப்பட்டு யாமே பரமாத்மா! என்றபுருஷோத்தமன் ஆகிவிட்டோம். தாங்கள் கொடுத்த உபதேசப்படி, "அகம் பிரம்மம்; பிரம்மம் அகம்" (யாம் அது . அதுவே யாம்) என்ற அகண்ட பரபாவனை செய்ததாலே, பவ பாச துக்கங்கள் அனைத்தும் தூக்கத்தில் கண்ட கனவு போல் மறைந்து விட்டது. அதனால், மலமற்ற அமலமான மனமானது மஹத்தாகி,பரத்தில் கலந்து, கரைந்து மயமாகி, யாம் அதுவாகவே இருக்கிறோம் ஐயா!                       ...
Read more