ஸ்ரீ ஸ்வய ஞானானுபவம் - தெளிநிலை | பாடல் - 33

weblink
பாடல்: 33

நிரந்தரமாய் பாவனையில்
மனது நின்றால்,
நிச்சலமாய் அகண்டபர
ஞானம் உண்டாம்,
திரிந்தலையும் மனதினுடைய விகல்பமாக,
தெரிகின்ற பேதமெல்லாம்
உடனே தீரும்!
தெரிந்திடும் இப்பேதமெல்லாம்
தீரும் மட்டும்,
திருசியமாய் தெரிவதெல்லாம்
பரமே என்றும்,
பொருந்திய அப்பரப்பிரம்மம்
நாமே என்றும்,
பூரணமாய் எப்போதும்
தியானம் செய்வாய்!

கருத்து:

முன் பாடலில் சொன்னபடி இடைவிடாமல், பரபாவனை செய்வாயானால், குற்றம் குறை! பேத பாவனை! விருப்பு வெறுப்பு! எல்லாம்  அணு அணுவாக, குறைந்து குறைந்து, நாசமாகும். இந்நிலை பெறும் வரை,
கண்ணால் காணும் நாம ரூப ஜகத் ஜீவ தோற்றம் அனைத்தும் அதுவே என்றும், அதுவே நாம்! நாமே அது! என்ற அகண்டான்ம பரபாவனையை செய்வாயாக!
   
                            எல்லாம் நீ!

குறிப்பு: ஸ்ரீ ஸ்வய ஞானானுபவம் - தெளிநிலை | பாடல் - 33



Popular posts from this blog

ஸ்ரீ ஸ்வய ஞானானுபவம் - நிதாகன் அனுபவம் | பாடல் - 113

Image
weblink பாடல்: 113 குருவர நின் கருணையினால் கண நேரத்தில்; குறைவு தரும் பேதமதி அனைத்தும் நீங்கி; சர்வமுமே பிரம்மமென்னும் நிச்சயத்தை; சாலவுமே திடமாக சார்ந்தோமந்தோ! பரவிய இவ்வுரமான நிச்சயத்தால்; பரமான எம்மிடையாம் சாந்தமாகி; விரவுபவ துக்கங்கள் அனைத்தும் நீக்கி; விமலபரம ஆனந்தம் அடைந்தோமந்தோ!! கருத்து: எம் ஆத்ம நாதா!  ஸ்ரீஸத்குருதேவா! உன்னுடைய அபாரமான கருணையால் ஒரு வினாடியில், தேகாத்ம புத்தி நீங்கி பிரம்மான்ம அறிவு பிரகாசித்தது. அந்த பிரம்மான்ம அனுபவத்தினால், எம் அறியாமையினால், எம் மனோசபலத்தால், எம்மைத் தொடர்ந்த, நான் ஓர் பந்த ஜீவன் என்ற தளை (விலங்கு) உடைத்து எறியப்பட்டு யாமே பரமாத்மா! என்றபுருஷோத்தமன் ஆகிவிட்டோம். தாங்கள் கொடுத்த உபதேசப்படி, "அகம் பிரம்மம்; பிரம்மம் அகம்" (யாம் அது . அதுவே யாம்) என்ற அகண்ட பரபாவனை செய்ததாலே, பவ பாச துக்கங்கள் அனைத்தும் தூக்கத்தில் கண்ட கனவு போல் மறைந்து விட்டது. அதனால், மலமற்ற அமலமான மனமானது மஹத்தாகி,பரத்தில் கலந்து, கரைந்து மயமாகி, யாம் அதுவாகவே இருக்கிறோம் ஐயா!                       ...
Read more

"Sri Satguru Thuli Baba's Blessings"

Image
ஓ! எம் அன்பான குழந்தைகளே!  இரண்டென்றான்! இரண்டும் ஒன்றென்றான்! ஒன்றென்றும் இல்லையென்றான்!  உணர்வு தெரியலையே! என்ற நிலை பெறுக! எல்லாம் உனது செயல் என்றெண்ணும் எண்ணமும் நீ! அல்லாது எமக்குளதோ, ஐயா பராபரமே! என்று ஆகுக. படிப்பற்று. கேள்வியற்று, பற்றற்று, நெஞ்சம் துடிப்பவர்க்கன்றோ  சுகம்காண்!  பராபரமே! என்று சுகம் பெற ஆசி கூறுகிறோம்!!! Oh! Our dear Children! At first it seemed we were two, Then two became one,  Finally, even that one disappeared.  This true experience is beyond words!  Oh Lord! Even the thought "everything is happening according to 'Your grace" also belongs to YOU-not to Us.  The ultimate Bliss will happen only for those, who have forgotten all knowledge acquired by mind!  The ultimate Bliss will happen only for those, when no longer questions arise!  The ultimate Bliss will happen only for those, when no longer attachments exist!  The ultimate Bliss will happen only for those, whose heart yearns intensely for the grace of...
Read more

ஸ்ரீ ஸ்வய ஞானானுபவம் - நிதாகன் அனுபவம் | பாடல் - 127

Image
weblink பாடல்: 127 ஆதலினால் யாம் கைமாறு அளிப்பதற்கும்; அதனை அடைந்து எங்கேனும் நீ போவதற்கும்; ஏதுவில்லை எப்போதும் எவ்விடத்தும்; இருப்பதெல்லாம் ஏக ஸிதாகாயம் தானே! ஒதியவாறு ஒரணுவும் அயலில்லாததால், ஒன்றினை நீ உபதேசம் செய்வதற்கும்; ஈதிதனை யாம் இனிமையுடன் கேட்பதற்கும்; இடமில்லை இவ்விசித்ரம் என்னே ஐயா? கருத்து: ஹே கருணைக் கடலே!  காருண்ய மூர்த்தி!  ( ஓர் வாக்கிய விளக்கத்திற்காக இதை கூறுகிறோம். ஆனால் உண்மையில்லை!) யாம் கைமாறு என ஒன்றை கொடுப்பதாகவே வைத்துக் கொள்ளுங்கள்.  அதை  வாங்கிய தாங்கள் போவது எங்கே? யாமோ! தாங்களோ! கொடுக்கும் பொருளோ! அதை வாங்கிக் கொண்டு,  தாங்கள் போகும் இடமோ! என  எங்கோ தனியே இல்லை. எமக்கு அன்னியமாய் எந்த நாம ரூபமும்  இல்லையே ஐயா! ஆகாயம் எப்படி எங்கம் நீக்கமற நிறைந்திருக்கிறதோ,  அதே நிலையில், யாமும், தாங்களும், அனைத்தும் எல்லாம் அந்த ஒன்றாகவே இருக்கிறோம் பிரபோ! ஓ எம் ஆனந்த பரனே!  இனி நீ எதை உபதேசம் செய்யப்  போகிறாய்?அதைக் கேட்டு யாம் எங்கே  தனியே இருக்கிறோம்? உமக்கும் தனியே இருப்பும், இயக்கமும்  இல்லை! அதே...
Read more