ஸ்ரீ ஸ்வய ஞானானுபவம் - தெளிநிலை | பாடல் - 13

weblink
பாடல் - 13

சித்தமென ஒருபொருள்
இங்கு உள்ளதென்று;
சிறிதேனும் சிந்தித்தால்
உடனே ஸித்தே!
சித்தமதாய் தோன்றியிடும்
அதுவே ஜீவ;
ஜகபரமாய் தோன்றுவதால்
துன்பம் உண்டாம்!
புத்திரனே! ஆதலினால்
சித்தம் என்றோர்;
பொருளொன்றும் இல்லை
எல்லாம் ஸித்தேயென்றும்!
இத்திறமாம் உறுதியினால்
சித்தம் தன்னை
எளிதாக ஜெயித்தென்றும்
இன்பம் சார்வாய்!

நாமரூப பொருள்களை, சிந்தித்து எனது என அபிமானம் பாராட்டி, அனுபவிப்பது "ஸித் சொரூபமாகிய சித்தமேயாகும்". ஸித் அசையாமல் இருந்தால், அதுவே "ஸத்தாகிய ஆன்மாவாகும்". ஸித் அசைந்தால், அதுவே ஜகத் ஜீவ சொரூபமாகி துன்பத்தை கொடுக்கும்; சித்தமாக மாறிவிடுகிறது.

ஆகவே, எல்லாம் அந்த ஒன்றே என்றும்! அதுவே ஸித்தாகிய ஆன்மா என்றும்! ஆன்மாவே நாம் என்றும்! நாமே ஆன்மா என்றும்! துன்பத்தை நீக்குக!

                        எல்லாம் நீ!


குறிப்பு: ஸ்ரீ ஸ்வய ஞானானுபவம் - தெளிநிலை | பாடல் - 13

Popular posts from this blog

ஸ்ரீ ஸ்வய ஞானானுபவம் - நிதாகன் அனுபவம் | பாடல் - 113

Image
weblink பாடல்: 113 குருவர நின் கருணையினால் கண நேரத்தில்; குறைவு தரும் பேதமதி அனைத்தும் நீங்கி; சர்வமுமே பிரம்மமென்னும் நிச்சயத்தை; சாலவுமே திடமாக சார்ந்தோமந்தோ! பரவிய இவ்வுரமான நிச்சயத்தால்; பரமான எம்மிடையாம் சாந்தமாகி; விரவுபவ துக்கங்கள் அனைத்தும் நீக்கி; விமலபரம ஆனந்தம் அடைந்தோமந்தோ!! கருத்து: எம் ஆத்ம நாதா!  ஸ்ரீஸத்குருதேவா! உன்னுடைய அபாரமான கருணையால் ஒரு வினாடியில், தேகாத்ம புத்தி நீங்கி பிரம்மான்ம அறிவு பிரகாசித்தது. அந்த பிரம்மான்ம அனுபவத்தினால், எம் அறியாமையினால், எம் மனோசபலத்தால், எம்மைத் தொடர்ந்த, நான் ஓர் பந்த ஜீவன் என்ற தளை (விலங்கு) உடைத்து எறியப்பட்டு யாமே பரமாத்மா! என்றபுருஷோத்தமன் ஆகிவிட்டோம். தாங்கள் கொடுத்த உபதேசப்படி, "அகம் பிரம்மம்; பிரம்மம் அகம்" (யாம் அது . அதுவே யாம்) என்ற அகண்ட பரபாவனை செய்ததாலே, பவ பாச துக்கங்கள் அனைத்தும் தூக்கத்தில் கண்ட கனவு போல் மறைந்து விட்டது. அதனால், மலமற்ற அமலமான மனமானது மஹத்தாகி,பரத்தில் கலந்து, கரைந்து மயமாகி, யாம் அதுவாகவே இருக்கிறோம் ஐயா!                       ...
Read more

"Sri Satguru Thuli Baba's Blessings"

Image
ஓ! எம் அன்பான குழந்தைகளே!  இரண்டென்றான்! இரண்டும் ஒன்றென்றான்! ஒன்றென்றும் இல்லையென்றான்!  உணர்வு தெரியலையே! என்ற நிலை பெறுக! எல்லாம் உனது செயல் என்றெண்ணும் எண்ணமும் நீ! அல்லாது எமக்குளதோ, ஐயா பராபரமே! என்று ஆகுக. படிப்பற்று. கேள்வியற்று, பற்றற்று, நெஞ்சம் துடிப்பவர்க்கன்றோ  சுகம்காண்!  பராபரமே! என்று சுகம் பெற ஆசி கூறுகிறோம்!!! Oh! Our dear Children! At first it seemed we were two, Then two became one,  Finally, even that one disappeared.  This true experience is beyond words!  Oh Lord! Even the thought "everything is happening according to 'Your grace" also belongs to YOU-not to Us.  The ultimate Bliss will happen only for those, who have forgotten all knowledge acquired by mind!  The ultimate Bliss will happen only for those, when no longer questions arise!  The ultimate Bliss will happen only for those, when no longer attachments exist!  The ultimate Bliss will happen only for those, whose heart yearns intensely for the grace of...
Read more

ஸ்ரீ ஸ்வய ஞானானுபவம் - தெளிநிலை | பாடல் - 53

Image
weblink பாடல்: 53 சகலமுமே பிரம்மமென்னும் நிச்சயத்தால்; ஜக முதலீது உண்மையென்னும் பிராந்தி நீங்கும்! திகழ் பிரம்மம் நாம் என்னும் நிச்சயித்தால்; தேக முதல் நாம் என்றும் பிராந்தி நீங்கும்! தருமகனே! ஆதலினால் எல்லாம் என்றும்; தற்பிரம்மம் தாம் என்றும், அது நாம் என்றும்; வெகுதிடமாம் அநுபூதி அடைந்தெப்போதும்; வேறறவே மிகவும் உபசாந்தனவாய்! கருத்து: நாம ரூப, ஜகத் ஜீவ, தோற்றங்களும் பிரம்மமேயன்றி, நாம ரூப குண இயக்கம் இல்லவே இல்லை! அதைப் போலவே, நாமும் தூல நாம ரூப குண இயக்கம் இல்லவே இல்லை! இவை அனைத்தும் மனோ மயக்கமேயன்றி உண்மையில் இல்லவே இல்லை! நாம் காலாதீத பரப்பிரம்மமே! பரப்பிரம்மமே நாம்! என தைலதாரை போல் சிந்தித்து ஸாந்தியாய் இருந்து  அது ஆவாயாக! மனம் படுத்தும்பாடு வெகு அற்புதம். அம்மனதை வெகு எளிதாக வெல்வாயாக!                         எல்லாம் நீ! குறிப்பு: ஸ்ரீ ஸ்வய ஞானானுபவம் - தெளிநிலை | பாடல் - 53
Read more